Поради корона вирусот ширум светот сите манифестации од музички и забавен карактер, сите избори на убавината, избори на модата, се откажани, а меѓу нив и многу интернационални избори на женската убавина. Освен само еден, кој се одржува оваа недела на 17 мај. Дури има и соодветно име: “Мис карантин на светот 2020“!
“Gecjan fashion group” од Приштина и нивниот директор Илир Геци се главните организатори кои сепак, одлучиле да организираат еден ваков необичен избор, кој секако нема да биде класичен, туку онлајн како што единствено и е можно кога речиси целиот свет е во корона-карантин. Па, секоја чест за Геци.
Коорганизатори на настанот се и: Модното студио “Црнокрак“ од Република Северна Македонија и Tugce Sarykaya Dagistan од Република Турција.
Право на учество имаа сите убави девојки од планетата, на возраст помеѓу 16 и 26 години. Се пријавија дури 210 девојки од 50 држави. Прво беа избрани 70 полуфиналистки, а потоа 15 финалистки кои ќе учествуваат на големото финале кое ќе е се одржи в недела на 17 мај со почеток во 21 часот на ФБ-мрежата, а ќе оди и на фреквенцијата на “ТВ-21“, која се гледа и во Македонија.
Интересно е дека во жирито ќе биде и нашиот Мики Црнокрак, како рамноправен член.Од Македонија имаше пријавено 4 девојки, а две од нив успеаја да влезат во 15 финалистки. Тоа се 24-годишната Кристина Димитриевска од Тетово и 16-годишната Бисера Цуцулова од Скопје, двете членки на Модното студио “Црнокрак“.
Свое место меѓу 15 финалистки изборија уште две девојки со кои соработува ова модното студио, а тоа се: 19-годишната Лара Стесевиќ од Црна Гора, која во март ја освои титулата Трета придружничка на изборот за Мис Европа 2020, како и 26-годишната Доти Полгар од Унгарија. Дали некоја девојка од Македонија ќе биде прогласена за “Мис карантин 2020“ останува да видиме и да си навиваме за нив во недела навечер, истакна за “ВЕЧЕР“, токму тој Мики Црнокрак. Д.Миќиќ
