За отвореното студио на ТВ 24, Радмила Шеќеринска праша кој во оваа држава би посакувал на први август да започнува кампања и да зборува за учество на граѓаните.
„Кој експерт овде ќе гарантира дека во август ние ќе немаме заболени и ќе немаме ризици? Дали ние во тој период сакаме да се занимаваме со кампања, лидерски, преговори? Само паметни земји си ја завршуваат работата на време, за од август и септември да почнеме да се справуваме со вториот пик на коронавирусот, кој се најавува“, смета таа.
Таа потврди дека СДСМ нема да предлага избори доколку здравствените работници тоа не го одобрат.
Дека оваа „техничка“ ситуација не е добра за државата потврдува и фактот дека поволен заем од Светската Банка не може да се реализира.
„Тој заем од СБ е за поддршка на здравството и на социјалата, но заменичката министерка за финансии на ВМРО ДПМНЕ не сака да го потпише. И како ќе одиме напред? Дали и ов иднина ни требаат вакви ситуации што ги спречуваат политиките на владата?“- праша Шекеринска.
