По најавата дека српските турбофолкери Аца Лукас и Дарко Лазиќ ќе одржат концерти за Илинден во Охрид македонската естрада се крена на нозе. Кој дал дозвола тие да настапат, а се повикува и министерот за здравство Венко Филипче да им објасни како е можно забраната за настап за домашните изведувачи да важи а за српските турбофолкери да не важи.
Како е можно да има концерт со неколку илјади публика а ние не смееме да пееме на свадба каде што има 50 или 100 луѓе? Зарем забраната само за нас важи? По плажите никој не носи маска а ги казнувате тие што не носат маска во автомобил па какви се овие закони ви се молам?!! Да јас прва ќе одам на овој концерт и не се плашам и немам ништо против тоа…. Но и ние сакаме да работиме бидеќи и нас ни требаат пари да платиме сметки и да купиме храна за нас и за нашата фамилија, напиша Елена Јовческа на нејзиниот ФБ профил.
