Полошо сценарио значи поголем број пациенти и од сезонски грип, кои ги окупираат истите одделенија на кои сега лежат пациенти со ковид. И во таа смисла е надградувањето со 16 одделенија. Точно предвидување никој не може да каже, ниту една од земјите и во регионот и во Европа немала есен со пандемијата, вели министерот за здравство, Венко Филипче во интервју за МКД.
„Се спремаме за лоши сценарија со многу пациенти, но се надевам дека луѓето ќе бидат свесни и дека ќе се придржуваат до превентивните мерки, па нема да имаме такво сценарио. Имаме план за дополнителни рестрикции согласно некои со мерки, ќе го промовираме наскоро. Тоа значи дополнителни рестрикции во региони каде што има појава на поголем број пациенти или е потенцијален ризик“, додава тој.
