Лидерот на Алијанса за Албанците, Зијадин Села, му реплицира на претседателот на ДУИ, Али Ахмети, кој изјави дека имал намера да го покани во Владата него и Африм Гаши од Алтернатива, но тој не се појавил на заедничката средба што ја свикаа интегративците.
„Кој е Ахмети да ме покани мене да бидам дел од Владата, без да прецизира дали би прифатил да бидам дел од Владата или не?“, праша Села во емисијата „Клик плус“ на ТВ 21.
Тој не верува дека во последните сто дена од новата влада ќе има премиер Албанец, сметајќи дека станува збор за манипулација на гласачите од Ахмети. Насер Зибери, кого ДУИ го токмеше за таа функција, според Села, не може да биде ни народен правобранигтел, зошто таа позиција треба да ѝ припадне на опозицијата, смета тој.
