Владата донесе одлука сите вработени кои ќе бидат ставени во изолација поради коронавирус, без разлика дали се суспектни или заразени, да добијат целосен надоместок за плата. Законските регулативи остануваат исти. За време на боледувањето работодавачот плаќа само 15 дена, а потоа одговорноста преминува врз Фондот за здравствено осигурување. Оваа одлука на Владата, како што информираше вицепремиерот за економски прашања, Фатмир Битиќи, ќе се однесува на јавниот и на приватниот сектор.
<
