Лидерот на ДУИ Али Ахмети вечерва во емисија на ТВ21 ја појасни улогата на Артан Груби, актуелен прв потпретседател на Владата во изтрагата за таканаречената „жолта куќа“ во Албанија, откако дел од албанските медиуми пишуваа дека Груби е повикан за сведок во врска со оваа куќа.
Ахмети рече дека Груби бил само преведувач кој преведувал додека се правеле интервјуа со одделни сведоци за улогата на „жолтата куќа“ за време и по конфликтот во Косово.
– Тој работеше како преведувач и службеник во седиштето на НАТО во Скопје. Беше преведувач и на Холандската амбасада во Скопје, но беше преведувач и на Хашкиот трибунал, 7 или 8 години. Откако се врати од Хаг продолжи да работи во НАТО и Холандската амбасада во Скопје – рече Ахмети.
Тој додаде дека би било наивно да се тврди дека Груби не ја знаел материјата за „жолтата куќа“, но како преведувач, а на како истражител бидејќи тој не бил тоа. Но го знаел материјалот бидејќи преведувал и дел од интервјуата кои ги правеле истражителите од Трибуналот во врска со оваа куќа и затоа не му е јасно зошто сега од Тирана се посочува како сведок.
Неколку медиуми објавија дека еден од можните сведоци во врска со „жолтата куќа“ би можело да биде и Артан Груби.
„Жолтата куќа“ за време и по воениот конфликт во Косово беше посочувана како место во кое се правеле операции за вадење органи од заробеници на ОНА.Како главни организатори на нелегалната болница се посочуваа Рамуш Харадинај и Хашим Тачи како поранешни припадници на УЧК.
