Во белградкиот клинички центар „Драгиша Мишовиќ“ , денес беше пуштен во употреба најсовремениот ЦТ-апарат „Канон“, кој ќе помогне во забрзувањето на дијагнозата на пациентите со Ковид 19 и тој е донација од фондацијата „Новак Џоковиќ“, Апаратот вреден 210. 000 евра беше лично предаден од страна на најдобриот тенисер во светот, Новак Џоковиќ.
Џоковиќ, предавајќи ја донацијата, им се заблагодари на здравствените работници и рече дека е потребно сите да се обединат и да им пружат поддршка.
„Благодарам на сите здравствени работници кои работат во вонредни околности скоро десет месеци и се борат за сите нас“, рече тој и изрази надеж дека скенерот, како и целата друга донирана опрема, ќе ја олесни работата на здравствените работници и дополнително ќе го зајакне здравјето.
Директорот на Клиничкиот центар „Драгиша Мишовиќ“, Владимир Џукиќ, изрази голема благодарност за набавката на вредна медицинска опрема.
„Благодарение на овој апарат, ќе можеме тука безбедно да ги спуштаме пациентите кои се интубирани, кои се на апарати за вештачка вентилација и за 15 секунди ќе имаат многу прецизна и добра дијагноза на белите дробови и другите системи на органи, бидејќи овој уред може да направи и васкуларни дијагностика и друга дијагностика, што е важно кај овие пациенти“, рече Џукиќ.
Тој додаде дека здравствените работници во оваа борба, покрај храброста што ја имаат, имаат потреба и од енергијата и победничкиот менталитет на Новак Џоковиќ.
