Охридскиот јутубер Вик Какаротски (Виктор Крстаноски) вчера приреди прекрасна забава за најмладите охриѓанчиња, а и за учениците од отворените часови кои се одржуваа изминатите неколку месеци на игралиштето во Стобекс, кои Виктор сам ги организираше.
Вик со пријателите подели голем број на новогодишни пакетчиња и ширеше позитивна енергија на охридските улици, и донесе среќа кај многу дечиња, по што го доби и името Охридскиот Дедо Мраз.
Исто така изминатите неколку денови Вик подели околу 800 новогодишни пакетчиња за децата на здравствените работници, и уште 1.200 пакетчиња за останатите деца. Ретко кој беше заборавен за новогодишно пакетче од нашиот Охриѓанец Виктор.
Акцијата на јутјуберот е за поздравување и од редакцијата на Шило му посакуваме среќна и успешна 2021 година и уште многу вакви позитивни настани кои го носат Охрид кон подобра иднина.
