Демонстранти влегоа во зградата на американскиот Конгрес, каде беше започнат процесот за потврдување на победата на новоизбраниот претседател Џо Бајден.
Демонстрантите ги урнаа металните барикади кои се наоѓаат на крајот од Кпитол Хил, каде заседава Конгрсот кој треба да ги потврди изборните резултати. Голем дел од нив стигнаа до влезот на зградата. Според американскиот Си-Ен-Ен, некои демонстранти влегле во зградата. Ваква слична ситуација се случуваше и во Македонија на 27 Април, кога вратите на собранието беа отворени од Крсто Мукоски, но да се вратиме на темата…..
Потврдата на изборните резултати беше паузирана, а градоначалничката на Вашингтон нареди започнување на полициски час од 18 часот.
Потпретседателот Мајк Пенс ги напуштил просториите, како што објави Ројтерс.
АП наведува дека во тек е евакуација на одредени канцеларии на Конгресот поради „полициски активности“, додека надвор илјадници луѓе протестираат поради изборните гласови.
Конгресот, последен чекор пред влезот на Бајден во Белата куќа
Американскиот Конгрес претходно го почна процесот со кој ќе ја потврди победата на новоизбраниот претседател Џо Бајден. Се очекува процесот да биде потенцијално оспорен и долготраен поради претходно најавените приговори на републиканците кои го поддржуваат претседателот Доналд Трамп.
