Откако ништо не направи за да го сочува статусот на Охрид на листата на природни и културни богатства заштитени од УНЕСКО, сега градоначалникот Константин Георгиески вели дека ставањето на Охрид во листа на опасност на УНЕСКО воопшто не е таква трагедија како што е претставена во јавноста.
Одговарајќи на новинарски прашања по средбата со еврокомесарот Дејвид Гир кој денеска го посети Охрид, градоначалникот рече дека УНЕСКО ги заострува критериумите во цел свет и оти листата на загрозени подрачја од година во година се зголемува.
– Ставањето на Охрид во листа на опасност, воопшто не е таква трагедија, како што е претставена во јавноста. Доколку се случи тоа нешто ние треба да ги дуплираме нашите напори и како локална самоуправа и како држава да направиме план и сите препораки да ги имплементираме побрзо, истакна Георгиески.
