По веста за трагичната смрт на младиот српски диџеј Игор Гарниер, кој имаше кариера во Америка, почна акција за собирање пари за пренесување на телото од САД и погребни трошоци.
„Почина неочекувано на 4 јули. Ние би ви биле благодарни доколку ни помогнете да го пренесеме неговото тело и да платиме за погребот. Овие се тешки денови за неговите најблиски и секоја помош е добредојдена, апелираат негови блиски. Целта е да се соберат 25.000 американски долари, а до полноќ биле собрани се 5.510 долари.
Игор почина на 31-годишна возраст за време на тренинг во Вашингтон, објавија медиумите.
Младиот уметник работел со едно од најголемите имиња во електронската музика – Ерика Прица. Тој беше талентиран музичар. Почна да свири пијано на шестгодишна возраст, а пред 16 години се запозна со електронската музика.
