Прво треба контрола на границите од земјите каде доминира делта сој. И на аеродромите и на границите треба да се размисли и за луѓето кои одат во Грција, но и особено за иселениците да не го прошират, вели микробиолоогот Никола Пановски на прашањето за тоа како може да се спречи шиење на делта сојот.
Според него треба да се повлече одлуката за свадби барем во затворен простор бидејќи и исто така да се прекинат било какви прослави во затворен простор.
– Ако се спречи влегување на вирусот ќе може да се контролира како што беше во Велес, но ако имате 100 случаи на ден, тогаш тешко дека ќе може епидемиолошки да ги следите и сите контакти да се спречат. Ова е минимум, бидејќи очигледно дека Комисијата освен економскиот интерес се надеваат дека голем дел од населението покрај малиот процент од 20% вакцинирани, се надеваат дека барем 70% биле во контакт со вирусот па дека ќе спречи ширење на делта сој. Тоа е повеќе надеж, отколку тврдење и не смее на тоа да се потпреме, рече Пановски.
Тој вели дека очигледно штом има слободен пристап за вакцинација и се оди на деца под 16 години, треба јавно да се каже оти е очигледно дека возрасна популација не прифаќа да се вакцинира.
– Не би рекол одбива, туку не се пријавува. Тоа не може да се компензира со деца оти тоа ќе биде од фамилии кои се вакцинирани, а тие кои одбиваат антиваксери и тие кои се плашат или незаинтересирани, тие нема децата да ги вакцинираат, ако самите не се вакцинираат, изјави Пановски за Телма.
