Министерството за внатрешни работи вечерва се огласи после инцидентот што се случи во Куманово, кога едно момче нападна девојка, по што доби ќотек од друго лице. Според полицијата, за настанот е известен јавен обвинител, а извршен е службен разговор со напаѓачот кој физички ја нападнал девојката.
– Во врска со случајот ќе биде извршен разговор и со други лица и по документирање на случајот ќе следува соодветен поднесок, соопштија од МВР.
На социјалните мрежи осамна видео, на кое може да се види како момче т епа девојка. Подоцна, истото момче добива ќотек од друго машко лице.
„Прво се силеше на девојче, после 5 минути си го доби и почна да плаче за помош“, стои во описот на видеото.
Според коментарите под видеото, настанот се случил во Куманово, позади културниот дом во центарот на градот.
⚠️ Физички напад врз девојка во центарот на Куманово среде бел ден❗❗
Ова не смее да помине вака…❗
➡️ А вие што снимате и ништо не превземате сте тешки шупаци.. pic.twitter.com/pBpIm2BQMX— Шефот (@The_Chief86) July 21, 2021
