Познатиот инстаграмџија – виртуелен лик Роберто Навали заедно со негов пријател, донираат 1000 евра за семејства од Прилеп чии куќи изгореа во пожар.
Неодамна во голем пожар 11 жители од Прилеп останаа без своите домови.
Пред точно две недели целосно изгореа четири социјални бараки во населбата Варош под Марковите кули. Ангела Китаноска
е една од луѓето кои останаа без своите домови. Нејзиниот татко е неподвижен, а тогаш поради негрижа на комшиите во пожар изгоре и нивната куќа. Китаноска молеше за било каква помош, а хуманоста на граѓаните веќе се покажува на дело.
„Излегов надвор да ја мијам колата, видов чад, видов дека гори кај соседите, Третата барака, лепенка, гореше. Отидов, викнав во лепенката, бараката до нас, децата беа сами, ги извадовме децата. Се сетија да го извлечат неподвижниот сосед, сам беше во просторија. И татко ми е неподвижен, и него требаше да го извлечат. Пожарната дојде веднаш, скршија, го извлекоја неподвижниот сосед, и татко ми беше извлечен, и гаснеа. Сето што беше до нив, направија, ама ние изгоревме“, со вознемиреност раскажува Ангела Китаноска.
https://www.instagram.com/reel/CS95zVVj3tR/?utm_medium=copy_link
