Градоначалникот Зоран Ногачески на општина Дебрца објави неколку факти за оние кои заборавиле и кои денес тврдат дека тој некого “предал”
Во продолжение ви го прикажуваме неговиот статус:
➡Од 2013-2017 година бев претседател на ОО СДСМ Дебрца. Во време невреме, кога се изгуби и локалната власт. И додека многумина си стоевте во заветрина јас и тогаш бев гласен, за што трпев последици.
➡Пред четири години ја добив граѓанската поддршка за градоначалник на општина Дебрца.Во 1785-те гласови кои ги добив имаше многу и од членови и симпатизери и на ВМРО ДПМНЕ и други партии, а не само на СДСМ.
Токму затоа, основниот принцип ми беше да бидам градоначалник на и за сите граѓани.
➡Овојпат не ја добив партиската поддршка. Тоа е одлука на органите на Партијата и тука ништо не е спорно, иако не добив аргументација за таквата одлука.
И покрај се, изразувам голема благодарност до членови на раководството и партиски членови на СДСМ, со кои во изминативе 8 години успешно соработувавме и во борбата да се победи на изборите, а подоцна во креирањето и имплементација на државните и локалните политики.
➡Се разбира, за некои прашања сме имале и различни мислења, особено по прашањето за регионална депонија во Дебрца. Затоа што, мила ми е беше Партијата, ама помили ми се селата и општината.
➡Одлуката да поднесам натпартиска кандидатура е моја, а инспирирана од секојдневната поддршка на граѓаните.
➡Во изминативе четири години секогаш бев со народот и затоа со гордо крената глава поддршката ја барам од сите граѓани, без оглед на нација, вера и партија.
Заедно за Дебрца ✅ Народот најдобро знае✅
Сликата во прилог е сведок за една борба од пред неколку години. Борба за слобода на умот, која непрекинато тече, како што тече рекана Сатеска👇
