„По вчерашната сторија за 5 членото семејство Јакимови, денес нашите патишта не водеа од село Ергелија Светиниколско, каде што отидовме да ги посетиме и помогнеме колку ни дозволуваат нашите можности“ – напишаа Панчо и Андреј од ДНК на социјалните мрежи.
„Живеат во трошната куќарка која за жал е речиси пред распаѓање. Не пречекаа навистина убаво како што доликува на една хармонична фамилија но со тажна насмевка. Живеат во едно мало собче заедно со нивните три прекрасни дечиња ( Бојана 14год, Давид 13,Викторија 10год. ) кои за жал неможат да имаат детство како секое нормално дете и за жал тинејџерските години ги проаѓаат во срам и исмејување од страна на нивните врсници. Од срце би ве замолиле сите оние кои сте во можност да им помогнете онолку колку можете и да се обратите на следниве броеви за да го контактирате таткото Стојче за било какви донации. ( 078 98 18 22 или 075 65 08 73 ) Приоритет е да се санира терасата на куќата и собчето, а исто така имаат потреба од машина за перење и фрижидер. Госпоѓата Татјана е работоспособна и едвај чека да и понудат работа или пак да ја вратат во фабриката Мик Свети Николе, а нејзиниот сопруг Стојче боледува од епилепсија но самиот кажа дека би можел и сакал да работи работа која не бара физички напор. Голема благодарност до нашите пријатели Жито Маркети кои секогаш без проблем одговараат на нашите хуманитарни акции.
Сите заслужуваат подобар живот, а заедно сплотени сме секогаш посилни.
Во наше и во името на Стојче би ве замолиле да ја раширите и споделите приказната се со цел да стаса до сите добри луѓе кои се во можност да помогнат“ – информираат од ДНК.
