Претседателот на движењето БЕСА Биљал Касами на прес конференција пред собранието посочи дека се сомнева оти пратеникот Кастриот Реџепи против своја воља е однесен негде и не може да се појави да гласа за пад на владата.
Сакам да ја информирам јавноста дека движењето БЕСА стои во ставовите за пад на овој режим. Последните случувања со пратеникот Кастриот Реџепи докажуваат дека оваа власт е спремна на се за да останат во овие позиции. Се додека јас немам гласна слика и глас на пратеникот за својот став, јас се сомневам дека тој против својата воља го има декларирано тоа што го има декларирано и не може да дојде во Собрание и да се искаже за својата позиција – рече Касами.
Тој додаде дека доколку Реџепи ова го направил по своја воља, ќе одговара пред органите на партијата.
– Немам информација каде се наоѓа, вчера беше мојата последна информација и тој беше во рамките на позициите кои ги имаме како политичка партија. Се додека тој не излезе да каже дека овој став е негов и доброволен без некоја присилба, јас како човек и претседател на БЕСА имам право да се сомневам дека тој против своја воља се држи некаде и не може да дојде да излезе пред јавноста и да каже дека тоа е негов доброволен став. – рече Касами.
