Новинари пронајдоја „мајнери“ кои биле поставени за „копање“ криптовалути во Градскиот трговски центар во Скопје. Полициската акција во подрумските простории каде се „ископувале“ криптовалути на див приклучок на струја во моментов е прекината од непознати причини. Како што објави ТВ21 пред самиот влез во просториите, поставено било комбе кое на тоа место стоело повеќе од една година и е на некој начин маскирано. Во случај на полициска акција, било планирано машините да бидат внесени во комбето со цел да не бидат запленети.
Од надворешниот дел, кај улицата, екипата на ТВ21 забележала дека е поставена и посебна вентилација за исфрлање на топлиот воздух од просториите, а поставени биле и посебни камери кои гледаат кон улицата каде што се влегува во просториите.
Видеото погледнете го <a href=”https://www.youtube.com/watch?v=jdcV4bwltdY&t=52s”>тука.</a>
