Од среда (1 декемвир) стапува на сила Законот кој предвидува користење на биоразградливи кеси кои граѓаните ќе ги плаќаат по 15 денари – стандардните пластични кеси веќе нема да се употребуваат. Откако минатиот месец падна оваа одлука, парите со кои ќе се плаќаат новите биоразградливи, ќе одат во Фондот за животна средина, најави министерот за животна средина и просторно планирање Насер Нуредини.
– Фондот што ќе се создаде од овие 15 денари за секое купување на пластично кесе ќе отиде на посебен фонд којшто ќе се инвестира во животната средина, но и ќе се инвестира во совеста на граѓаните како да менаџираме со отпадот во нашата држава. Идејата е тој што загадува тој и да плати, и на тој начин производителите коишто ќе донесат производи во нашата држава треба да контрибуираат и во тоа, и со ова ќе се натера да придонесат за инфраструктурата со различни контејнери во нашата држава каде што ние како граѓани ќе ги селектираме отпадите и со ова ќе креираме систем којшто самите граѓани ќе го селектираат отпадот, појасни тогаш Нуредини.
