Претседателот на Достоинство и директор на Центарот за управување со кризи, Стојанче Ангелов смета дека новата доктрина на Христијан Мицкоски, кој ја најави на вчерашниот конгрес на партијата, ќе донесе „нови ветришта во државата.
Се разбира доколку не остават мртви букви на хартија. Се надевам дека искрено мислат работите. Исто така сметам дека Ковачевски ќе донесе нови ветришта во СДСМ и коалицијата, рече Ангелов во вечерашното гостување на ТВ24.
Ангелов вели оти е оптимист и дека негативната реторика ќе се намали во наредниот период.
-Ако јас можев да се помирам со мојот воен непријател од 2001 година, поранешниот командант Абедин Зибери и другите ветерани од УЧК, не гледам причина зошто ВМРО-ДПМНЕ и СДСМ не се помират и со тоа да се превенираат политички уцени од некој помал политички субјект, појаснува Ангелов.
