Портпаролката на парламентот на Уганда, Ребека Кадага, потврди дека предлог законот кој ќе го институционализира насилството над хомосексуалците беше официјално одобрен во 2012 година, и покрај критиките од целиот свет.
Кадага соопшти дека законот против хомосексуалност мора да биде одобрен бидејќи „сè повеќе државјани на Уганда го бараат тоа“. Таа наведе дека овој закон ќе биде „божиќен подарок за народот на Уганда“, а се осврна и на „сериозната опасност“ од хомосексуалците која му се заканува на општеството.
Законот ја утврди криминализацијата на истополовите врски, а прекршителите ќе се соочат и со смртна казна доколку го направат делото по втор пат, ако се ХИВ позитивни или се претставници на власта. Кај полесните облици на кршење на овој закон во Уганда е предвидена доживотна затворска казна.
Неколку европски држави, на чело со Велика Британија, се заканија со укинување на хуманитарната помош за Уганда доколку бидеќи вовела скандалозниот закон.
Според резултатите од истражувањето на Pew Research Center од 2010, хомосексуалноста е морално неприфатлива за 89% од државјаните на оваа африканска земја.
