На 8. Конгрес на ВМРО – Бугарско национално движење, што се одржа вчера во Софија, донесена е декларација во која се наведува Бугарија и Македонија имаат заедничко историско и културно наследство и патот на иднината е да формираат федерација.
Декларацијата на партијата има 14 точки со приоритети за кои гарант е ВМРО-БНД, а меѓу нив се безбедноста, образованието, здравството и пристапот до културата за сите Бугари; енергетска независност преку изградба на нови капацитети (вклучувајќи нуклеарни); функционална економија и правични правила за бизнисот; уставни измени кои гарантираат зголемени претседателски овластувања, мајоризација и директна консултација со народот; забрана за гласање за неписмени и непочитување на обврските кон државата; немешањето на невладините организации финансирани од странство во политичките, верските и образовните работи на нашата земја и друго.
Точката 14 е целосно фокусирана на политиката на Бугарија кон Македонија. Во неа пишува дека интеграцијата на РСМ оди преку признавање на историската вистина, бугарските корени на денешното население и заштитата на неговите права. Затоа, како ѓто се наведува, ВМРО-БНД ги повикува владите и политичките организации во Бугарија и во РСМ да воспостават федерација меѓу двете земји „врз основа на нашето заедничко културно и историско наследство и нашите заеднички геополитички интереси“.
