Нефи Усеини, поранешниот советник од ДУИ во Советот на Општина Охрид, е нов член на општинската Комисија за заштита на животната средина, според веб страницата на општината. Именувањето на Усеини во комисијата предизвика реакции во јавноста, затоа што неговите бизниси беа меѓу главните забелешки на УНЕСКО за одземање на заштитениот статус на Охрид.
Покрај тоа што од денеска ќе се грижи за животната средина во Охрид, Усеини од вчера, преку неговата градежна компанија „НЕФИ ИК“, ангажирана како подизведувач на сараевската „Енергоинвест“, започна да го гради 400 киловолтниот далновод од Битола до македонско-албанската граница.
Новиот член на комисијата во Охрид, исто така, е познат по дивоградбата кај Чинарот и бетонската база на брегот на езерото, која беше урната во 2020 година.
