Пет дена во делови од општина Арачиново нема електрична енергија.
За ова од ЕВН велат дека мештаните од селото им забрануваат пристап на екипите на Електродистрибуција и ги спречуваат при извршување на секојдневните технички активности како и санација на дефекти.
„Поради контуинирано неовластено користење на електрична енергија од страна на мештаните, се оптоваруваат трафостаниците при што се предизвикуваат големи дефекти. Исто така е евидентирана и преостаната оштетена опрема. Многу често екипите на Електродистрибуција се соочуваат со вербални и физички напади. Со ова, во целост се оневозможува нормалното функционирање и работење“, велат од ЕВН.
Од таму додаваат дека се додека нема услови за работа и нормално функционирање поради наведените причини, нема да постои можност за санација на дефекти.
Инаку, во саботата бил запален и поранешниот објект на општината како револт за немањето електрична енергија.
tv21
