Саманта В.(31) е пронајдена мртва во стан во Власотинце, а полицијата се уште интензивно трага по нејзиното момче, кој всушност бил државјанин на Македонија. Смртта на несреќната девојка била пријавена синоќа околу 22 часот, ја пријавило момчето, а како што пренесува Телеграф во моментов извесно е дека се работи за убиство.
– Постои сомнеж дека Саманта била мртва неколку дена, но дека момчето дури синоќа го пријавило случајот во полиција. Таа беше пронајдена во кревет во локва крв и покриена со ќебе, но не можеше точно да се утврди од што починала, па наредена е обдукција, вели изворот за Курир.
Момчето на Саманта откако го пријавило случајот исчезнало без трага. Тој се уште не е осомничен, но потребно е да даде изјава.
