Полицијата во централниот град Утрехт соопшти дека дете удрило во два паркирани автомобили во саботата, пред да го напушти местото во пижами и боси нозе.
Загрижените случајни минувачи повикале полиција откако го забележале како на студ само оди по улица.
Никој не бил повреден за време на неговото бегство, а полицијата на Инстаграм соопштила дека открила „нов Макс Верстапен“.
Полицијата напишала дека детето се разбудило во саботата кога татко му отишол на работа и ги зело клучевите од автомобилот на мајка си „за да се повози“.
Откако полицајците биле повикани да го земат, дошла дојава за напуштено возило во близина, кое изгледало дека удрило во два паркирани автомобили.
Тоа било регистрирано на мајката на момчето, а полицајците ја повикале. Полицијата рекла дека тој имитирал возење и правел гестови за вртење на воланот.
„Тогаш сфативме дека детето можеби е возачот“,
На четиригодишното момче му било дадено топло чоколадо во полициската станица и плишано мече, пред да му го дадат на мајка му.
Заедно отишле на местото на судирите, каде го прашале дали може да покаже како функционира автомобилот.
Детето – опишано од неговата мајка како „снаодливо“ – го отворило автомобилот со клучот, го запалило и го придвижило стапалото кон куплунгот и педалите за гас, соопштила полицијата.
Полицајците апелираат до родителите да ги кријат клучевите од автомобилот од децата.
„Пронајден е нов Макс Верстапен во (предградието на Утрехт) Овервехт“, напишала полицијата во објавата, мислејќи на актуелниот холандски светски шампион во Формула 1.
„За среќа, авантурата на овој мини возач заврши со судар“, додаде полицијата, објави Си-Ен-Ен.
