Популарниот пејач Здравко Чолиќ бил ограбен. Од неговиот сеф, во домот, недостасувале 20.000 евра, а шокот следел кога виделе кој е крадецот.
Ќерката на Здравко Чолиќ, Уна Чолиќ, скришно од сефот на татко ѝ, зела околу 20.000 евра за да му купи автомобил на своето момче. Кога пејачот видел дека му недостасува голема сума пари повикал полиција. Преплашената девојка признала се и ги вратила парите. Оваа драма во куќата на познатиот пејач се одвивала пред неколку месеци.
Штом ги зела парите, отишле во салон за автомобили, каде разгледувале моделите. За среќа, автомобилот што им се допаднл не бил достапен во моментот, на продавачите им било сомнително од каде им се парите на толку млади лица за нов автомобили, па им кажале дека треба да почекаат.
Во меѓувреме Чола забележал дека му недостасуваат многу пари од сефот и повикал полиција. Неговата сопруга ги информирала и ќерките, кои во тој момент не биле дома, и им кажала дека од нивниот дом украдени се пари.
Кога Уна слушнала дека дома има полициски службеници и дека го бараат крадецот, веднаш дошла во семејната вила и признала се. Таа им се извинила на родителите затоа што им приредила ваква непријатна ситуација и што морале да повикаат полиција, па им ги вратила парите, околу 20.000 евра, пишува српски Курир.
Пејачот и неговата сопруга биле изненадени од нејзината постапка, особено што таа никогаш не била проблематична. Но, тие не ѝ се налутиле, туку ѝ рекле дека тоа што го направила не е во ред и дека со нив секогаш треба да биде искрена.
