Постар брачен пар од Германија, Фридрих-Вилхелм (76) и неговата сопруга Јута (77) ги тужеле своите соседи поради многу активен петел кој пее околу 200 пати на ден, поради што не можат да се одморат.
Брачен пар од Бад Салкуфлен, во западна Германија, тврдат дека одамна немаат мирен ден дома, а сето тоа поради Магда, петелот на нивните соседи.
Наводно, петелот почнува да пее секој ден околу 8 часот наутро и не запира до зајдисонце или околу 200 пати на ден кога сопствениците го заклучуваат со други кокошки.
По долгогодишни обиди да ги вразумат своите соседи, Магди, Фридрих и Јута ги одведоа на суд за да ја решат работата.
„Соседот не се откажува од својот петел и или треба да живееме со него, или да победиме на суд“, изјави Фридрих-Вилхелм за новинарите.
„Не можеме да ја користиме градината и не можеме да отвориме ниту еден прозорец. Тоа е неподносливо.
„Тешко е да се зборува за тортура, но тоа е така“, додала неговата сопруга Јута.
Адвокатот на парот, Торстен Гисеке, тврдеше дека хиперактивен петел како Магда не припаѓа во мирна станбена зона, додавајќи дека друг сосед бил принуден да се исели пред две години поради непрестајното кукурикање.
Наводно, кукурикањето на Магда било со јачина од околу 80 децибели, што е споредливо со бучен ресторан или улица со густ сообраќај.
Фридрих и Јута почнаа да го снимаат секојдневното пеење на Магда како доказ пред судот и тврдат дека нивната правна постапка била единствената опција што им била достапна откако не успеале да се спогодат со сопственикот на Магда.
Мајкл Д., кој е сопственик на Магда, им рече на новинарите дека петелот игра важна улога меѓу неговото јато кокошки, одржувајќи ред меѓу другите птици.
На кокошките им треба петел, инаку ќе се кубеа“, изјави тој за медиумите.
Судијата на Окружниот суд во Лемго наскоро ќе го сослуша случајот на Фридрих и Јута и ќе донесе одлука за судбината на Магда.
Интересно е тоа што ова не е прв пат во светот кукурикањето на петел да заврши на суд. Уште во 2019 година, петелот Морис стигна на насловна страна на меѓународните и француските вести откако неговото секојдневно кукурикање ги разбесни соседите.
извор:центар.мк
