Околу 200 претставници од 150 погребални претпријатија од Хрватска, Грција, Бугарија, Босна и Херцеговина, Србија и Северна Македонија се собраа на состанокот на погребниците од Балканот – единаесеттата „Гробаријада“ годинава што се одржа во Ниш.
Главната атракција на синоќешниот настан беше колачот во облик на ковчег долг речиси метар и половина.
Целта е да оствариме соработка, еден ден во годината да имаме и здив. Погреби имаме 365 дена, еден ден во годината, сакаме и да се опуштиме“, вели Станисављевиќ.
Во овој бизнис влегол пред 25 години и сега му го предава на синот. Тој вели дека иако многумина мислат поинаку, директорите на погребна опрема ја чувствуваат тагата со семејствата кои ги губат своите најблиски.
Истото го потенцира и неговата колешка Радиша Михајловиќ.
„Некои мислат дека се збогатуваме енормно, но не разбираат дека работиме 24 часа на ден и дека сме соучесници во таа болка. И ние сме луѓе, чувствуваме тага и болка со семејството на кое му служиме. Никого не влечеме за ракав да купи ковчег од илјада или две илјади евра, тие сами избираат, самите си ги поставуваат условите“, вели Станисављевиќ, кој е веќе во пензија.
Јован Шкелин дошол од Шибеник.
„Бевме на првата „Гробаријада“, сега и овде. Чест ни е што сме поканети, ќе се дружиме и ќе се забавуваме“, вели Шкелин.
Претходниот собир беше организиран во 2019 година во Пожаревац, по што имаше пауза поради епидемиолошката состојба. Следната „Гробаријада“ ќе се одржи во Петровац на Млава.
