Откако Портпаролот на полицијата на Пеќ Фадиљ Гаши ја потврди веродостојноста на видеоснимката која деновиве се шири по интернет. На снимката медицинска сестра ѝ влепува шлаканици на штитеничка на домот за стари лица, а други сестри се смеат и снимаат додека кутрата жена плаче.
Кога ќе се обиде да се одбрани, сестрата ја удира со колено по стомак.
Гаши информира дека медицинските сестри се приведени, а обвинителството во Пеќ веќе подготви обвинение за кривично дело „напад“ и „помагање во извршување на кривичното дело напад“.
После овој скандал во Косово се огласи Менче Точи-
Случката во домот за стари лица во Косово е многу страшна и не можев да ја гледам до крај. Надлежните таму се надевам ќе превземат мерки кон сторителите и сопствениците на домот, Но, еве повод да се пратат контроли во домовите за стари лица и кај нас и добро да се прочешлаат. #Министерствотозатрудисоцијaлнаполитика, да види што се случува таму, како се третираат старите лица, има ли медицински тимови, кој им става инјекции, дали тие лица се стручни за тоа, се земаат ли провизии од погребалната служба, и многу други работи. Нивните услуги не се евтини, а беа повластени- најголем дел ги направија домовите во време на претходната власт за 1 евро квадрат. Сега нека понудат солидни услови, зашто од некои домови стигаат страшни информации. Во ситуација кога државата не ја интересира да изгради државни домови за стари лица каде цените ќе бидат пониски да може секој со пензија достоинствено да ги помине последните години од животот, ќе им ги полниме џеповите на приватните, а таму ќе одат само привилигираните-тие што можат да платат 500 евра месечно, (сега може и повеќе), а за лекови и други дополнителни третмани да не зборуваме.. Другите кои работеле цел живот, ама имаат мали пензии-тивко умираат сами во своите домови. Тие не добиваат шанса од ова општество зашто во државниот дом се чека ред со години. До умирачка!
