Силеџиите од основното општинско училиште „Даме Груев“ во Градско, каде што најдобриот ученик не сака повеќе да оди на часови поради малтретирање, че бидат повикани на разговор во велешкото обвинителство, заедно со нивните родители, објави Телма.
Претходно градоначалникот на Општина Градско, Киро Нацков, информираше дека ја разрешил директорката. Случајот бил пријавен во МВР и Центарот за социјални работи.
„Веднаш по отворањето на предмет Јавното обвинителство Велес работи на целосна документација од Центарот за социјална работа Велес, при што по налог на јавен обвинител ќе се вршат разговори со детето ќртва на врсничко насилство и неговите родители, соучениците и наставниот кадар“, информира Јавно обвинителство – Велес.
Станува збор за случајот во кој двајца деветтодделенци, во ООУ„Даме Груев“ во Градско, во два наврати, му искинале долен веш на соученик во соблекувалната за физичко образование. Првпат тоа се случило на четврти а вторпат на 11 ноември, кога ученикот се вратил дома освен со искинат долен веш и со гребнатини на телото.
Министерството за образование и наука (МОН) вчера ја поздрави одлуката на градоначалникот на општина Градско за разрешување на директорот на основното општинско училиште каде беше утврден случај на врсничко насилство.
