Иран погуби двајца мажи кои биле осудени на смрт за богохулење, објави денеска судската веб-страница Мизан.
Јусеф Мехрдад и Садрола Фазели Зер биле егзекутирани со бесење за злосторства меѓу кои богохулење, навреда на религијата ислам, пророкот и други свети места, објави Мизан.
<
Не се кажува кога биле погубени. Двајцата воделе десетици антирелигиозни интернет платформи посветени на омразата кон исламот, промовирање на атеизмот и навредување на светите места, објави Мизан.
Експертите на ОН го повикаа Иран со мнозинско шиитско население да го запрат прогонот и малтретирањето на верските малцинства, посочувајќи на политиката на Иран на таргетирање на различни верувања и религиозни практики, вклучително и преобратени христијани и атеисти.
