СДС е развластена а ДУИ детронизирана и прашање на време е кога ќе одат во опозиција, додека еуфоричните соопштенија на СДС се само „изнасилена радост“ и „ширење на лагата“ дека ВМРО-ДМНЕ наводно ги прифатила уставните измени кои се последица на бугарскиот диктат, порача вечерва во говорот во Охрид, лидерот на најголемата опозициска партија, Христијан Мицкоски.
Тој додаде дека Ковачевски брзо ќе си оди од премиерската фотелја додека ДУИ е детронизирана и прашање само на миг е кога , по 20 години власт, злоупотреби и криминал ќе одат во опозиција.
Мицкоскии подвлече дека на лидерската средба тој на маса ставил две понуди:
Првата била формирање на преодна влада на сите партии, без ДУИ, која би требадло да донесе измени на Уставот со одложено дејство, кои ќе стапеле на сила со членството на Македонија во ЕУ.
„Така добиваме гаранција дека Македонија ќе биде на брза патека за Европската унија, и кочничарите на нашата интеграција Бугарија да станат активна заинтересирана стана за побрза европеизација на државава“ –додаде Мицкоски.
Втората понуда на лидерот на ВМРО-ДПМНЕ била – избори сега, обезбедување на гаранции од европските институции за заштита на националните и државни интереси како и економски пакет за подобар живот во државата по повеќе основи, па потоа носење на измени на уставот со обврска опозицијата да го поддржува процесот како би се гарантирало националното единство кога е во прашање гарантирање заштитата на државните и национални интереси.
