Лебеди наркомани „се дрогираат“ на полиња со афион
За четири месеци лебедите изеле афион вреден десет илјади евра.Словачките одгледувачи се збудалени, не можат да се справат со нив
Словачките медиуми објавија приказна за сосема необична заложничка криза. Имено, во близина на градот Комарно, стотици лебеди ги окупираа полињата со афион и не се движат. Напротив, тие се толку зашеметени што дури и да сакаат не можат да одлетаат.
Одгледувачите се збудалени, не можат да се справат со нив и, фигуративно кажано, можат само да им мавнат бидејќи лебедите во таа земја се заштитени со закон.
Тие пристигнале на полињата во февруари, но причината тогаш не биле самите булки, туку езерото кое се создало поради обилните дождови.
„Дојдоа постепено. Овде изброивме повеќе од двесте од нив“, објасни одгледувачот на афион Балинт Пем за една словачка телевизија.
Птиците обично го гризат синиот и црвен афион од корен, стануваат зависни од него, а регистрирани се и смртни случаи.
За четири месеци лебедите изеле афион вреден десет илјади евра, а огромен проблем е што никој нема да ја надомести штетата на одгледувачот.
„Штетите предизвикани од овие заштитени животни се случуваат ретко во Словачка, затоа лебедите не спаѓаат во списокот на животни за кои државата плаќа надомест“, објасни Томаш Ференчак, портпарол на Одделот за животна средина.ВИДЕО ТУКА
