15.9 C
Ohrid
недела, мај 19, 2024
ПочетнаМакедонијаАдминистративците земаат неплатен одмор од три месеци за летово да одат на...

Административците земаат неплатен одмор од три месеци за летово да одат на сезонска работа во странство.

Административците на големо земаат неплатен одмор од три месеци за летово да одат на сезонска работа во странство, главно во Хрватска. Речиси нема државна институција, јавно претпријатие и Општина каде не се потпишани решенија за неплатен одмор кои ги бараат вработените. Земаат по три месеци неплатено отсуство и плус користат по еден месец споено стар и нов одмор, за да можат да отидат во странство, главно на хрватското приморје и да работат по хотелите и рестораните за време на летната сезона.

Министерот за информатичко општество и администрација Азир Алиу за САКАМДАКАЖАМ.МК потврдува дека администрацијата на големо зема неплатен одмор и оди да работи на туристичките места. Само од неговото министерство годинава 15 лица зеле неплатен одмор.

„Само последниве неколку дена потпишав решенија за неплатен одмор на тројца вработени. Точно е дека заминуваат да работат во летните туристичките места, но законски не може да ги спречиме и да не им одобриме ваков вид отсуство. Оваа појава е лоша и на долг рок, бидејќи тие луѓе кои заминуваат, таму остваруваат контакти, добиваат понуди за друга работа и можеме да ги загубиме и вработените во јавниот сектор“, вели министерот Алиу.

Ниту една државна институција нема збирна евиденција колку точно административци зеле неплатен одмор. САКАМДАКАЖАМ.МК испрати прашање до повеќе министерства, институции и Општини колку вработени заминале на неплатен одмор. Од повеќето ни одговорија дека неплатен одмор користат дел од вработените и за нив знаат дека заминуваат да работат како сезонци.

Оваа летна сезона од Скопје е пуштена авионска линија до Сплит на компанијата „Кроација ерлајнс“. Како што можеше да забележи нашата екипата, авионите се полни со патници кои одат на сезонска работа во Хрватска. Меѓу нив голем дел се и административци.

„Цела државна администрација замина за Хрватска. Не сме само студенти и келнери кои одиме на сезонска работа. Има и голем број кои работат во државни институции и никој не им прави проблем што заминуваат, местото им мирува“, вели студентка од Скопје, која кон почетокот на јуни замина да работи во хотел во Бол на островот Брач.

Исто така, неплатен одмор земаат и голем број полицајци кои одат во Швајцарија или Германија и сезонски работат како градежни работници на градилишта.

„До крајот на јуни, 21 вработен има земено неплатен годишен одмор. Пет во Министерството за внатрешни работи и 16 во Бирото за јавна безбедност“, велат од МВР.

Според податоците на хрватското Министерство за внатрешни работи, до 15 мај над 4.000 македонски граѓани добиле дозвола за престој и работа во Хрватска, која пред ова лето се соочува со огромен недостиг на сезонски работници. Како што ни изјавија од хрватското Министерство за внатрешни работи, бројот на одобрените работни дозволи за македонските граѓани е зголемен за 60% во споредба со истиот период лани.

Не само младите и административците, туку и цели семејства заминуваат на привремена работа во Хрватска. Грција до пред неколку години беше најпримамлива за сезонците од Битола со бербите на праски и портокали, а летово е угостителскиот сектор на јадранското приморје. Посредниците при вработување велат дека интересот е двојно зголемен од лани.

Во јавниот сектор во земјава работат 129.374 лица.

А. АНТЕВСКА
Сдк.Мк

spot_imgspot_img
spot_img
spot_img
ПОВРЗАНИ СТАТИИ

Најпопуларни

Повеќе постови

Во завршна фаза градежните активности за партерно уредување на дворот во Охридската Гимназија

Градежните активности за партерно уредување на дворот на гимназијата „Св. Климент Охридски“ кои се одвиваат во овој момeнт се во завршна фаза. Треба да...

Сиљановска Давкова назначи нов генерален секретар, познатиот новинар ќе биде негов заменик

Претседателката Гордана Сиљановска Давкова ги има првите кадровски решенија за во Вила Водно. Досегашниот генерален секретар Миле Бошњаковски и неговите заменици Билјана Радева и...

Деветмесечно бебе почина во Општата болница во Охрид.

Деветмесечно бебе почина во Општата болница во Охрид. Портпаролот на СВР Охрид, Стефан Димоски вели дека случајот е пријавен во полиција вчера во 08:10 часот. -...

Незаконски се гради нов стадион во Тетово, имотот е на државата, а не на општината

Одлуката која што ја донел Советот на Општина Тетово во септември минатата година, со која тетовскиот градски стадион го доделил на трајно користење на...