Авалон продукција во Охрид носи бројни светски и домашни артисти од електронската музичка сцена.
Вечерва во Охрид започнува најмасовниот летен музички фестивал на електронската музика.
Организаторите Авалон Продукција најавуваат рекордно фестивалско издание со повеќе од 50 000 посетители во сите 5 фестивалски денови до 4-ти август во Касарна.
„Луѓе од Австралија, Германија, Франција, Белгија, Обединетото Кралство, Канада, Соединетите Американски Држави и многу други земји ширум светот доаѓаат да бидат сведоци на магијата на Ohrid Calling. Да им посакаме допло добредојде.“ – велат од Авалон.
Авалон продукција во Охрид носи бројни светски и домашни артисти од електронската музичка сцена, од dance-pop хитмејкерот Jonas Blue, легендарниот Steve Aoki, Morten кој во моментов се наоѓа на врвот од неговата кариера и Salvatore Ganacci.
Покрај нив, атмосферата во касарната ќе ја загреваат Regard, Sullivan King, Wolfpack, Marten Hørger, SKIY, Cyrillic, Pessto, Divolly & Markward, Jordan John, Invictoz, Delovski, Jana Slayy и Tasev.
