Околу 17.45 часот во СВР Охрид било пријавено дека во водите на Охридското Езеро, кај Дебрчка плажа, има превртен пловен објект.
Полициски службеници на Полициската станица за граничен надзор “Охридско Езеро” веднаш излегле на тереноа на терен и околу 18.00 часот пловниот објект бил пронајден на два километри од брегот и утврдено е дека станува збор за катамаран на кој имало три лица.
Лицата на возраст од 53, 50 и 49 години, сите од Скопје, се пронајдени во непосредна близина, во добра здравствена состојба, без повреди, а според нивниот исказ причина за незгодата бил силен ветер, информира портпаролот на СВР Охрид Стефан Димовски.
Од страна на Езерската полиција, катамаранот е вратен во пловна состојба, а лицата се транспортирани на копно, до објектот каде биле сместени.
Извор: Охрид Њус Г.М.
Фото: СВР Охрид
