Родителите на штипската четворка добија плац за изградба на куќа од општина Штип

Семејството Зикови пред два месеца доби четворка, која е втора по 26 години во Штип. Три момчиња и едно девојче донесоа радост во домот на брачниот пар Благица и Александар.
Родителите на штипската четворка и официјално добија плац за изградба на куќа во централното подрачје на Штип. Општината преку Советот ја донесе одлуката за оттуѓување на земјиште без надоместок, по што градоначалникот ќе склучи договор со семејството Зикови за доделување на градежното земјиште кое се наоѓа во близина на Црквата „Св. Илија“ во Штип.