Лидерот на Левица Димитар Апасиев сподели статус на социјалните мрежи во кој го обвинува новинот министер за внатрешни работи Панче Тошковски.
Панче Тошковски пред 3 дена објавил дека важат возачките, за денес МВР да пушти соопштение дека не важат?!
Грција една табла нема сменато, ама домашните вазали истрчаа да казнуваат граѓани без Северна! Откако ги поскапија личните документи, сега ќе фрчат казни за возачки без Северна. Предизборно полнење на буџет, додека Спасовски “ветуваше” дека ниту еден граѓанин нема да е казнет.
Затоа тврдевме дека Преспански договор е директен УПАД во внатрешните работи на државата и рушење на правото на самооопределување, како неприкосновено право на секоја нација. Сега странска држава известува други држави дека личните документи на Македонија не важат.
Кога судовите ќе се ослободат од диктатурата под која се заковани, најпрво треба КРИВИЧНО да се гонат сите учесници во Преспанскиот договор, кои Македонија ја ставија во директна потчинетост на друга држава (како и новокомпираниве “освестени патриоти” од ковот на Димитров и Максим)!
