На денешен ден во Егејска Македонија,Грчките андарти го запалија Загоричани

НА ДЕНЕШЕН ДЕН ВО ЕГЕЈСКА МАКЕДОНИЈА: Грчките андарти го запалија Загоричани, а 60 жени, деца и старци беа масакрирани
На 25 март 1905 во темни зори една грчка разбојничка банда од околу 200-300 души го нападнаа селото Загоричани од сите страни. Најнапред слушнале како свири труба, а потоа почнаа да грмат пушки „маузерки“. Населението, мислејќи дека селото е заобиколено од војска, не мрдна од своите места и замрзна од силниот грмеж и од динамитните бомби исфрлени на разни места и од куршумите, кои како град се сосипаа над покривите на замрзнатите селани, неподдржувани од никаде.
Со голема сила, разбојниците не им дадоа на несреќните селани навреме да се соземат, и така навлегоа во селото поделени на мали банди од по 4 до 8 души.
О, Боже! Перото е бессилно да ги опише ужасите, злосторствата на тие ѕверолики луѓе вооружени од глава до петици. Тие извршија ужаси нечуени досега во светската историја на човештвото. Почнаа да ги кршат вратите и да влегуваат во куќите, да убиваат и да собираат се што ќе се испречеше пред нивните крвожедни очи. Без причина убиваа мажи, жени и деца и домашни животни.
Во тие критични часови голем беше лелекот по целото село!
Беспомошното население, обземено од паничен страв, трчаше по улиците и избезумено бараше прибежиште за да се скрие од куршумите и од ножот на тие поклоници на вандализмот. Секој што падна во нивните безмилосни раце беше убиен.
Ниту молбите, ниту прекрстувањата, ниту бакнежите на расплаканите жени, ниту нивните солзи и писоците на малите и невини деца, ниту паричните награди, кои разбојниците ги прифаќаа на драго срце – ништо не беше во состојба да го омекне и смилостиви каменото срце на тие варвари.
Првото нивно барање беше „пари“, второ, се наредија по ред, а најпосле смрт – насилничка, смрт ужасна, смрт нечовечна, смрт маченичка!
Список на убиените
Ноле Дуков;Христо Темов;Таси Рапов;Димитар Кондев;Мите Лазов;Дине Цуцулев-Даскало;Кузо Самарџијата;Кузо Дрендов;Иван Колокотронкин;Дине Колев-Бушунанчев;Јани Канѕов;Коле Јунако;Христо Канѕов;Филе Ѓончев;Ицо Маразето;Син му Стојан;Мите Филцов;Јако Евреинот;Миште Јоткин;Пандевица Миталкова;Стојан Костандов;Трпа – жената на убиениот Васил Чичов;Кирјако Сапунаров – Палјачо;Тана – ќерка на Јане Канѕов;Петар Шпатов;Ангелина – ќерка на Кузо Самарџијата;Ноле Манчев;Елена – ќерка на Кузо Самарџијата;Гиро Василев – Моди;Марија – ќерка на Кузо Самарџијата;Мите Погончев;мајка им Султана;Петар Мацурев;Поп Стефан;Сидо Вулев;Вангел Гацов;Никола Блачев;Никола Костандов;Син му Георги;Кузо Нанов;Марко Вангеловски-Калфата;Кузман Костандов;Јане Курувешов;Мите Шклифа;Гило Курувешов Ванук Киров;Таси Курувешов;Коле Илко Дуков;Зисо Димовичин;Васил Чичов;Син му Петре;Наум Мишков Драшката;Јане Зафираков;Андон Печитиков;Мите Констандинкин;Јанчо Туруфиев;Георги Ронза;Наки Калешин ;Георги Тагаров;Коста Шефов, меѓу кој имало жени и деца најцверски убиени.
ВЕЧНА ИМ СЛАВА !