Одделот за криминалистичка полиција – Сектор за недозволена трговија со дрога, оружје и опасни материи – Единица за недозволена трговија со оружје, опасни материи и радиоактивен материјал во заедничка акција со Специјалната антитерористичка единица Тигар и СВР Куманово вчера ги лишија од слобода Н.А.(34) и А.М.(37), двајцата од селото Никуштак, општина Липково.
Од МВР информираат дека при претрес во нивните домови и други простории, извршени со судска наредба, биле пронајдени и одземени два пиштоли „Црвена Застава“ со 28 куршуми калибар 7,62 мм, еден автоматски пиштол „Шкорпион“, едно пакување со марихуана и едно патничко возило „мерцедес“ без регистарски ознаки.
