Иако граѓаните до скоро правеа непотребни трошоци и напори за вадење на нови лични карти, министерот за внатрешни работи Панче Тошковски во емисијата „Клик Плус“ синоќа на ТВ21 објасни зошто одеднаш МВР го промени мислењето пред една недела.
– Ќе важат заради тоа што Законот е таков. Во Законот за возачки дозволи истечена е важноста на возачките дозволи со старото уставно име заклучно со 01.01.2025. Но Законот за лични карти нема таква одредба. Не беше променет тој Закон во минатото од „овие експертиве“-политичари од минатото и истите лични карти ќе си важат заклучно со втиснат датум на нив, рече Тошковски.
Тој дополни дека личните карти со старото уставно име на кои не им е истечен рокот на важност ќе важат за секојдневни потреби и за патување во земјите со кои имаме билатерални договори за поминување на границата без пасош.
Засега, задолжително е пасошите и возачките дозволи да се со уставното име, со тоа што Тошковски апелираше до полицијата да не се казнуваат возачите туку во овој период само да се опоменуваат.
