Потпишан Меморандум за соработка помеѓу Општина Струга и Амбасадата на САД

Градоначалникот, г-дин Рамис Мерко, во присуство на претставничката на Американското катче (American Corner) во Струга, г-ѓица Ардита Емуш, потпиша Меморандум за соработка помеѓу Општина Струга и Амбасадата на Соединетите Американски Држави во РСМ за Американското катче во Струга, за временски период од пет години од денес. „Овој проект, односно катчето „American Corner” е еден од најважните проекти реализирани помеѓу Општина Струга и Амбасадата на САД во Северна Македонија и ќе се посветам секогаш тоа да биде во служба на младите и на сите други, кои се заинтересирани да ја запознаат американската култура. Катчето е во рамки на новата зграда на општината и сме преземале како обврска да се реализираат сите обврски и активности кои извираат од овој меморандум кои извираат од овој меморандум. Истовремено, им благодариме на амбасадата на САД и на американскио народ што ја одбрале Струга како дел од мрежата на катчиња во нашата држава” – истакнува градоначалникот, г-дин Рамис Мерко. StrugaOnline