Поранешниот премиер и бегалец во Будимпешта, Никола Груевски,честитајќи го денешниот роденден на Унијата на млади сили на ВМРО-ДПМНЕ објави своја фотографија стара 19 години.
Поранешниот претседател на ВМРО-ДПМНЕ на социјалните мрежи напиша дека пред младите членови на партијата на тој настан бил претставен како брокер кој ја направил првата трансакција на македонската берза за хартии од вредност.
„Ова е фотографија од настан на УМС на ВМРО-ДПМНЕ во драмскиот театар во Скопје, во 1996 година. Не го паметам точниот датум. Тоа беше некаква промоција на 12 членови на УМС кои тогаш биле во нешто, во некои области најуспешни.
Имав 25-26 години и бев поканет на бината и преставен како брокер кој ја направил првата трансакција на македонската берза за хартии од вредност која токму таа година на 28 март се отвори.
Беше присутен претседателот на партијата и поголем дел од тогашното раководство. УМС и тогаш, и подоцна низ годините и денес е многу значајна! Честит 34. роденден УМС!“, објави Груевски.
