Дали СДСМ ги добила вонредните локални избори во Охрид преку протисоци и закани врз вработените во охридските јавни претпријатија?
До редакцијата на ОХРИД 24 пристигнаа принт скринови од разговор на сега веќе поранешен работник од јавното претпријатие „Билјанини извори“ Охрид, со директорката на претпријатието, Гордана Јованоска.
Од разговорите се гледа дека директорката на работникот му прави притисок неговата жена да излезе на гласање, бидејќи како што вели директорката секој глас е битен.
Според нашите информации човекот кој разговара со директорката е избркан од јавното претпријатие токму поради тоа што неговата жена не гласала за време на локалните избори во Охрид.
Се поставува прашањето дали освен на овој работник се праќани пораки и вршени притисоци и на вработени во останатите јавни претпријатија во Охрид за време на претседателските и предвремените локални избори?
Медиумите и опозицијата уште тогаш посочуваа дека врз вработените во охридските јавни претпријатија се вршат притисоци за да излезат на гласање и да го дадат својот глас за кандидатите на владеачката гарнитура.
Останува на надлежните органи да ги испитаат овие наводи и да постапат согласно законот.
ОХРИД 24
