16.4 C
Ohrid
сабота, март 15, 2025
ПочетнаМакедонијаМакедонците во Албанија бараат загарантирани места за малцинствата во Парламентот

Македонците во Албанија бараат загарантирани места за малцинствата во Парламентот

spot_img

Лидерот на единствената партија на Македонците во Албанија, Македонска алијанса за европска интеграција (МАЕИ), Васил Стерјовски, побара загарантирани места за припадниците на малцинствата во албанското Собрание.

<

Ваквото барање тој го изнел на тркалезната маса организирана од мисијата на ОБСЕ во Тирана посветена на изборната реформа на тема „Негирани од страна на системот: Воспоставување на сеопфатен систем за заштита на демократијата”, на која учествувале пратеници од албанското Собрание и претставници на политичките партии и цивилниот сектор.

„Во моето излагање, во името на македонската партија, Македонска алијанса за европска интеграција, истакнав дека ако има некој кој е негиран од страна на системот тоа се малцинствата во Албанија. Освен грчкото малцинство кое традиционално е застапено во албанското Собрание, другите малцинства: македонското, влашкото, ромското, бошњачкото, египќанското, српското и црногорското се политички незастапени во албанското Собрание во изминатите 30 години“, вели Стерјовски.

Тој додава дека е време малцинствата во Албанија да имаат загарантирани места во албанскиот законодавен дом, по примерот на многу држави во Европа, кои имаат обезбедени мандати во нивните парламенти за националните малцинства.

„Верувам дека ќе се најде политичка волја, но и со помош на нашите стратешки партнери САД и Европската Унија со новата изборна реформа, малцинствата во Албанија да имаат загарантирани места во албанското Собрание“, нагласува Стерјовски.

Според нег, една од зацртаните активности на МАЕИ е партијата да биде застапена со свој пратеник во албанското собрание.

„Ние мора да се избориме секогаш да бидеме парламентарна партија. Заеднички со сите малцинства, бараме да имаме загарантирани места“, додаде Стерјовски.

Инаку, Стерјовски во мај годинава стана првиот пратеник во албанскиот Парламент во плурална Албанија, кој доаѓа од редовите на македонска партија, но и воопшто прв пратеник кој јавно се декларира како Македонец. Тој го доби мандатот, откако пратениците од коалицијата што ја предводеше Социјалистичкото движење за интеграција, чиј дел на јунските избори пред две години беше и МАЕИ, се откажаа од пратеничките мандати. Врз основа на договорот Васил Стерјовски беше петти на кандидатската листа за округот Корча.

МИА

spot_imgspot_img
spot_img
spot_img
ПОВРЗАНИ СТАТИИ

Најпопуларни

Повеќе постови

Педест и седум годишен скопјанец ноќеска бил пронајден починат покрај опожарен камион

Педест и седум годишен скопјанец ноќеска бил пронајден починат покрај опожарено товарно возило со приколка на автопатот Велес-Скопје, на место викано „Пуста кула“, соопшти...

Извлечени се лицата чиј чамец се преврте во Мавровско Езеро

Двете лица чиј чамец се преврте во Мавровското Езеро се извлекле и се наоѓаат во возило на итната медицинска помош, информираше пред малку директорот...

Во тек e акција за спасување- Две лица се превртиле со чамец на Мавроско езеро.

Преку единствен број за итни повици 112 денеска во 12.37 часот од страна од случаен минувач Центарот за управување со кризии добил информација за...

Жена се обидела со тврд предмет да нападне психолог во училиште во Струга

СВР Охрид денеска соопшти дека вчера во 14 часот и 30 минути во ОВР Струга било пријавено дека Р.Б. од Охрид во просторија на...