14 C
Ohrid
вторник, ноември 19, 2019
Почетна Забава Сара Џесика Паркер -Го пофали Медена Земја и Македонија па ја вовлекоја...

Сара Џесика Паркер -Го пофали Медена Земја и Македонија па ја вовлекоја во кавги за името

Translate (Eng):[gtranslate]

Холивудската актерка Сара Џесика Паркер го изрази своето воодушевување од македонскиот документарен филм “Медена земја”. Паркер на својот Инстаграм профил објави фотографија од филмот под која напиша дека со причина овој филм ги освојува сите награди и признанија.

”Медена земја” е неверојатна, визуелено зачудувачка, интимна но сепак епска приказна за пчеларката Атиџе Муратова. Жена која нема никогаш да ја заборавам!”, напишала Паркер на Инстаграм и додала:

“Честитки за авторите Љубомир Стефанов и Тамара Котевска и ви благодарам што нѝ дозволивте да патуваме со вас во малото место во Република Македонија. Вас двајца јас ќе ве следам секаде”.

РЕКЛАМА

Но, токму нејзината објава односно делот каде што таа нагласува дека филмот доаѓа од Република Македонија, поттикна лавина од коментари дека земјата повеќе не се вика така и дека сега името ѝ е Република Северна Македонија. Актерката подоцна го поправила името, за на крај да избрише било какво име на држава од објавата и да ја исклучи опцијата за коментари.

“Оваа објава е едитирана од мене. Имаше многу коментари поврзани со истата. Поконкретно, со мојот избор на име на државата што го добив од бројните интервјуа со екипата и освртите за филмот што ги пронајдов откако го погледнав. Мојата цел беше да му се обратам на поширокиот аудиториум и да му ја претставам оваа приказна. Не заземам никаква политичка страна бидејќи не се чувствувам доволно информирана на темата. Ви ветувам дека ќе истражам повеќе за ова. Во замена, се надевам дека сите ќе се потрудат да бидат публика на “Медена земја”.

Поголем дел од коментарите беа со објаснување дека земјата го сменила името во Северна Македонија и дека по распаѓањето на Југославија во 1991 година, договорот од Преспа е конечен договор за името меѓу Грција и Северна Македонија, под покровителство на Обединетите нации.

Актерката им одговорила дека ѝ е многу жал и дека по грешка напишала Република Македонија.

- Реклами -