22 C
Ohrid
понеделник, септември 21, 2020
Почетна Македонија Конзулот Калоѓера: Ме замолија да ја подржам политиката на Северна Македонија, се...

Конзулот Калоѓера: Ме замолија да ја подржам политиката на Северна Македонија, се заблагодарив и дадов оставка

Translate (Eng):[gtranslate]

Во писмото од 1 ноември доставено до Министерството за надворешни работи на Република С.еверна Македонија преку амбасадата во Загреб Калоѓера пишува: „Со оглед дека десет години служев како почесен конзул, најпрво би сакал да се заблагодарам на МКД „Илинден“ на чија иницијатива бев избран. За време на овие десет години, имав одлични соработници со градот Ријека, округот Приморје – Горски Котар, Филозофскиот факултет во РиЈека и Универзитетот во РиЈека.

Би сакал да се заблагодарам и на соработката на моите колеги од македонските научни институции, со кои остваривме одлични резултати во последните десет години. Моето заминување од позицијата почесен конзул не значи дека престанува и мојот постојан интерес за Македонија, нејзината литература, јазик, култура, историја. На сите кои ми изразија поддршка, на моите македонски пријатели и на моите поранешни студенти – Големо благодарам“, напиша конзујлот Калоѓера на Фејсбук.

Вчера Калоѓера малку пподетално ја објасни оваа своја неочекувана одлука:

РЕКЛАМА

„Дали сегашната македонска влада сака да го отстрани професорот eмиритус Горан Калоѓера од функцијата почесен конзул во Република Хрватска?

Веќе долго време од сите страни слушам гласини дека сум неподобен за сегашните македонски власти и дека би биле најсреќни ако ме „испратат со почести“ во конзуларна пензија. Денес слушнав дека не сум побарал продолжување на конзулската легитимација, која веќе 5 месеци не важи, па тоа некој го причитал како неискажување интерес за продолжување на мојот статус почесен конзул на Македонија во Хрватска. Ок, ќе побарам продолжување на картата, позитивен одговор би значел дека останувам на позицијата конзул, негативен крај на мојата богата и пофална „конзуларна активност“. Што се однесува до мојот статус на конзул досега имав само трошоци. Една и пол година го плаќав изнајмениот простор во Ријека, веднаш до хотелот Бонавија. За време на мојата една и единствена средба со министерот Димковски (мислам дека точно го напишав името), бев замолен да ја поддржам политиката на Република Северна Македонија. Одговорот беше: г-дине, јас сум научник и за што било да е во спротивност со моето научно знаење, ќе бидам против тоа. Како макдонист не можам и нема да се согласам со низа политички решенија, кои немаат никаква основа во науката и само му штетат на македонскиот народ. Нема да плукам на моите 15 книги и на целиот мој македонски опус, за што добив голем број награди и признанија од претходните влади. Нема да се откажам. Останувам на моите верувања и спознавања и ќе ги бранам од напади од сите страни, без разлика од каде доаѓаат. Политиката не ме заинтригира, сепак, кога политиката ќе влезе во сите пори на науката, културата, јазикот и литературата, наметнувајќи насоки и одлуки кои се надвор од секоја памет, јас сум против со аргументите и здравиот разум на  моите 69 години живот. Јас сум почесен конзул на Република Македонија во Република Хрватска и за тоа дадов речиси 14 години од мојот живот. Јас нема да се одрекнам од моите принципи и натаму, сега веќе не како почесен конзул (зависи од одлуката на македонската влада), ќе продолжам да дејствувам, пишувам и зборувам во корист на народот кој ми е безгранично близок. Народ кој ми го даде своето пријателство на што чесно и достоинствено одговорив“, напиша Калоѓера.

- Реклами -