Неповолна теренска конфигурација и тешки временски услови, одличен терен за тестирање на издржливоста, но не на спортистите туку на професионалните војници.
Воените вежби тука се секојдневие, но најпозната и најценета е Cambrian Patrol.
Воена вежба која на тест ги става и најподготвените специјални единици во светот. На овие планини минатата година газеа и чизмите на припадниците на Армијата на Република Македонија.
На 3000 километри од дома, исклучително тежок терен и неповолни временски услови десет припадници на РЕНЏЕРСКИОТ БАТАЛЈОН при Полкот за Специјални Операции чекореа кон својата цел, да ја оправдаат сериозната улога која им беше доделена, да ја претстават Македонија во најдобро светло.
ТОА И ГО СТОРИЈА, Европа и светот се уверија дека АРМ има специјални единици на кои секогаш можат да се потпрат. Многумина ќе кажат дека Македонската Армија се уште не е подготвена за да биде дел од НАТО, и ќе погрешат. Не само што е подготвена туку ја има една од најподготвените елитни специјални единици во европа, познатите ,,РЕНЏЕРИ”.
Во Велс беа ставени на сериозен воен испит каде што
– За 48 часа требаше да поминат 60 километри тежок терен
– Да извршат четиринаесет ни малку лесни задачи
– И сето тоа со четириесетина килограми тешка опрема која ја носат на себе.
1tv.mk
